辛福台手足機構耶青台今晚有打氣音樂會！
唔經唔覺疫症都已經4個月，大仲掛唔掛住星期日返教會嘅感覺？一齊大聲敬拜、望下邊個聽道時恰眼訓、祈禱時偷望邊個同你一樣無合埋眼、完service後同大家一齊食飯飲野吹水搞㦨gag大笑大叫... 到每一個互相微笑、每一次握手、每一個擁抱嘅温暖，我地都非常掛住，而最掛住嘅係⋯大家。雖然唔知前面有幾難行，但我地知一齊行就實冇死；唔知仲要困幾耐，但知道陪伴同鼓勵就實冇錯。約大家星期6夜晚見下面，我地今次ready 佐啲有意思嘅歌同大家分享下，希望大家到時開聲一齊唱，一齊吹下水，分享下呢排嘅經歷，最重要一齊祈下禱同主耶穌傾下計。互勉呀弟兄姊妹，see y‘all
